Fimmtudagur 28. mars, 2024
0.8 C
Reykjavik

Þarf að tryggja að nýtt bóluefni valdi ekki skaða

VefTv

- Auglýsing -

Hlaðvörp

- Auglýsing -

Þórólfur Guðnason sóttvarnarlæknir var spurður út í þróun bóluefnis við kórónaveirunni sem veldur COVID-19 í morgunþætti Rásar 1 og 2 í morgun. Aðspurður af hverju taki svona langan tíma að þróa nýtt bóluefni sagði hann að það þyrfti að tryggja að nýtt bóluefni valdi ekki skaða áður en það eru tekið í notkun.

Hann benti á að það sé flókið að búa til nýtt lyf og tryggja að það valdi ekki skaðlegum aukaverkunum. Hann tók fram að vísindamenn þurfi að búa til bóluefni sem í fyrsta lagi virkar gegn veirunni og í öðru lagi valdi ekki öðrum sjúkdómum.

Hann sagði viðamiklar rannsóknir þurfa til að ganga úr skugga um þessi atriði þegar nýtt bóluefni er prófað. Það sama á við um lyf við sjúkdómnum sjálfum. Hann sagði að vænlegast væri að gefa einum hóp lyfið og öðrum ekki og gera samanburð til að sjá virknina.

„Það þarf almennilegar rannsóknir,“ sagði Þórólfur. Hann bætti við að hann telji að nú séu læknar víða um heim að gera tilraunir með lyfjagjöf en án rannsókna sé erfitt að sjá hvort lyfin virki í raun og veru.

Um veiruna sjálfa sagði hann að það hefði komið honum á óvart hversu smitandi hún er og hversu hratt hún dreifir sér. „Líka hversu margir veikjast illa, það hefði samt ekki þurft að koma á óvart ef litið er til Kína. Fréttirnar þaðan voru skelfilegar.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -