Þöggunarsamningar voru á borðinu í máli Vítalíu og auðjöfranna – Ari á beinskiptum bíl

Þögg­un­ar­samn­ingar voru á borð­inu í máli Vítalíu Lazarevu og þeirra Þórðar Más Jóhann­es­sonar, Ara Edwald og Hregg­viðs Jóns­sonar. Stundin greinir frá þessu.

Samkvæmt heim­ildum Stund­ar­innar var Vítalíu boð­inn samn­ingur þar sem hún átti að fá greidda ákveðna upp­hæð mán­að­ar­lega yfir nokk­urra ára tíma­bil. Viðræður um samn­ing­inn eru sagðar hafa farið fram milli lög­manns Vítalíu og lög­manns mann­anna þriggja, en Vítalía hefur kært þá fyrir að brjóta kyn­ferð­is­lega á henni í heitum potti í sum­ar­bú­stað sem hún var stödd í ásamt þáver­andi ást­manni sínum, Arnari Grant.

Vítalía sagði sögu sína í hlað­varp­inu Eigin konur í jan­úar. Þar lýsti hún brotum mann­anna en nafn­greindi þá ekki. Menn­irnir höfðu þó verið nafn­greindir á sam­fé­lags­miðlum og fljót­lega komu nöfn þeirra fram í fjöl­miðlum.

Fljót­lega eftir að við­talið við Vítalíu kom út létu menn­irnir ýmist af störfum sínum eða stigu til hliðar í stjórnum fyr­ir­tækja.

Í þögg­un­ar­samn­ingum felst að aðilar máls semja um að halda upp­lýs­ingum eða atburðum fyrir sig gegn því að aðil­inn sem óski eftir þögn greiði hinum ákveðna upp­hæð fyrir.

Stundin greinir frá því að í við­ræðum um þögg­un­ar­samn­ing­inn hafi komið fram hug­mynd um að fjár­hæð upp á 25 millj­ónir yrði greidd til Vítalíu yfir fimm ára tíma­bil, sem gera tæp­lega 420 þús­und krónur mán­að­ar­lega. Að end­ingu hafi samn­ing­arnir ekki orðið að veru­leika vegna þess að ekki náð­ist sam­komu­lag um eðli þeirra.

Mannlíf hefur ítrekað reynt að ná í Ara Edwald, án árang­urs. Hann vildi ekki tjá sig um málið í sam­tali við Stundina; sagð­ist vera að keyra bein­skiptan bíl og ekki í aðstöðu til að spjalla við blaða­mann­inn.