Þriðjudagur 4. október, 2022
8.8 C
Reykjavik

Þórdís tætir Helga Magnús sundur í háði: „Hver lýgur sér ekki til bjargar? eins og skáldið sagði“

Helgarviðtalið

- Auglýsing -

Orðrómur

- Auglýsing -

Leikkonan, rithöfundurinn og fyrirlesarinn Þórdís Elva Þorvaldsdóttir tekur Helga Magnús Gunnarsson vararíkissaksóknara á teppið í nýju grín- og ádeilumyndskeiði.

Þórdís Elva sendi frá sér myndskeið á Facebook þar sem hún þykist vera starfsmaður „Sjomlalínunnar“ en hringjandinn „Hlöðver Magnús“ hringir inn og kvartar yfir vandamáli sem hann lenti í vegna skrifa á Facebook. Engum dylst þó að Hlöðver þessi eigi í raun að vera Helgi Magnús Gunnarsson vararíkissaksóknari sem var nýlega kærður af Samtökunum 78 fyrir hatursorðræðu vegna ummæla sem hann lét frá sér á Facebook í sumar. Þá sagði Helgi Magnús meðal annars að hælisleitendur lygu margir til um kynhneigð sína, þættust vera samkynhneigðir til að fá hæli hér á landi. Bætti hann þeirri spurningu, hvort það væri nokkur skortu á hommum á Íslandi.

„Varstu búinn að lýsa því yfir opinberlega að þú elskir homma og listamenn? Já varstu búinn að því? Ok, flott.  Ja, hver lýgur sér ekki til bjargar? eins og skáldið sagði,“ er meðal þess sem Þórdís segir í þykjustusamtalinu og vitnar þar í orð Helga Magnúsar.

Leikkonan hefur áður tekið svokallaða „sjomla“ í nefið með svipuðu myndskeiði en Mannlíf sagði frá slíku í mars á þessu ári.

Sjá einnig: Þórdís Elva tekur sjomla í bakaríið: „Þannig að þú ert í rauninni fórnarlambið, ekki hún?“

Þórdís Elva gaf Mannlífi góðfúslegt leyfi til að birta myndbandið en eins og oftast áður er sjón margfalt ríkari en saga:

- Auglýsing -

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -