Fimmtudagur 28. mars, 2024
-2.2 C
Reykjavik

Tinnu Alavis og Sólrúnu Diego bannað að birta duldar auglýsingar

VefTv

- Auglýsing -

Hlaðvörp

- Auglýsing -

Neytendastofu barst nýverið ábendingar um duldar auglýsingar tveggja áhrifavalda á Instagram. Áhrifavaldarnir sem um ræðir eru Sólrún Diego og Tinna Alavis.

Í ábendingum til Neytendastofu var bent á að bæði Sólrún og Tinna höfðu fjallað um ýmsar vörur og þjónustu fyrirtækja án þess að það kæmi fram að um auglýsingu var að ræða. Í tilfelli Sólrúnar var sérstaklega vísað til umfjöllunar hennar um verslunina Air í Kringlunni. Í tilfelli Tinnu var bent á umfjöllun hennar um vörur og þjónustu verslunarinnar Sætar syndir.

Þegar Neytendastofa krafði Sólrúnu og Tinnu um upplýsingar um hvort endurgjald hefði komið fyrir umfjöllunina kom í ljós að áhrifavaldarnir höfðu þegið vörur að gjöf frá fyrirtækjunum sem telst vera endurgjald.

Neytendastofa taldi að um markaðssetningu væri að ræða og að ekki hefði komið fram með nægilega skýrum hætti að umfjöllunin hefði verið auglýsing eða að hún væri gerð í viðskiptalegum tilgangi. Þetta kemur fram í grein Neytendastofu um málið.

Stofnunin bannaði því áhrifavöldunum að nota duldar auglýsingar á samfélagsmiðlum.

Hvítt letur á hvítum bakgrunni

- Auglýsing -

Í ákvörun Neytendastofu kemur fram að Sólrún merkti umfjöllun sína með myllumerkinu #samstarf en merkingin þótti of lítil. „Benti stofnunin á að umræddar færslur hafi ekki verið merktar sem auglýsingar eða með öðrum skýrum hætti greint frá því að þær hafi verið gerðar í viðskiptalegum tilgangi, að því undanskildu að finna mátti örsmáa merkingu neðst í hægra horni myndarinnar, #samstarf, í hvítu letri á hvítum grunni,“ segir meðal annars í ákvörðuninni sem má lesa í heild sinni hérna.

„Með vísan til 2. mgr. 21. gr. b. laga nr. 57/2005, um eftirlit með viðskiptaháttum og
markaðssetningu, er Sólrúnu Lilju Diego Elmarsdóttur bannað að birta auglýsingar
með framangreindum hætti. Verði ekki farið að banninu má búast við að tekin verði
ákvörðun um sekt á grundvelli IX. kafla laga nr. 57/2005, um eftirlit með
viðskiptaháttum og markaðssetningu,“ segir í ákvörðunarorðum Neytendasotfu.

Merkti ekki færslurnar

- Auglýsing -

Í umfjöllun um mál Tinnu segir að umfjöllun hennar hafi ekki verið merkt. „Umræddar færslur hafi ekki verið merktar sem auglýsingar eða með öðrum hætti greint frá því að þær hafi verið gerðar í viðskiptalegum tilgangi,“ segir meðal annars um mál Tinnu. Ákvörðunarorð Neytendastofu má lesa í heild sinni hérna. 

Hér má svo lesa leiðbeiningar Neytendastofu um auðþekkjanlegar auglýsingar.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -