Árið 1656 var á Kirkjubóli í Skutulsfirði tekið mót sumri með galdrabrennu. Þeir sem brenndir voru, voru meðhjálparar í Eyrarkirkju, feðgarnir Jón yngri og Jón eldri Jónssynir, bændur á þríbýlinu Kirkjubóli.
Höfðu þeir feðgar verið sekir fundnir um að „hafa valdið megnum og undarlegum sjúkleika sóknarprests síns, séra Jóns Magnússonar, sem þumlungur er kallaður, með göldrum og fordæðuskap.“ […]
Við messu viku síðar sagði séra Jón sínar farir ekki sléttar og hvatti þá sem ábyrgir voru til að sjá að sér í tíma. Nú, Jón yngri þakkað presti fyrir að messu lokinni og brá þá svo við að mikill sviði fylgdi handtakinu. Sviðanum fylgdi síðan verkur í úlnlið og handlegg.
Upp frá þessu sóttu að „honum djöflar úr öllum áttum og birtust stundum í mynd Kirkjubólsfeðga.“
Séra Jón sá flugur, fiðrildi og ókennileg kvikindi í hverju horni og bruna og setti að fólki og hneig sumt jafnvel í ómegin. Klerkur var þó verst leikinn allra …
Lesa meira hér.