Ung hjón urðu næstum úti á hálendinu: „Þau voru hálfpartinn búin að leggjast fyrir“

„Ég vil meina að það hafi orðið mann­björg. Við sóttum ung hjón sem voru í brúð­kaups­ferð uppi á hálend­inu. Þau voru orðin mjög blaut og hrakin og hálf­part­inn búin að leggj­ast fyrir.  Annar ferða­maður hafði komið að þeim og var að reyna að berja þau áfram þegar við komum að þeim.“

Þetta segir Arnaldur Har­alds­son hjá björg­un­ar­sveit­inni Súlum í sam­tali við RÚV. Hann segir að minnstu hafi munað að brúð­kaups­ferð erlendra hjóna hafi endað í harm­leik. Þau voru hárs­breydd frá því að verða úti í ill­viðr­inu á hálend­inu í síð­ustu viku.

Arnaldur segir að hálendis­vaktin sé sjaldn­ast að bjarga Íslend­ingum. Langoft­ast séu þetta erlendir ferða­menn en Íslend­ingar sem fara á þessi svæði vita yfir­leitt við hverju sé að búast. Þeir útlendu séu oft illa búnir varð­andi aðstæður og veður.

„Það er mikið um að fólk sé illa búið, bæði illa klætt og illa búið til fót­anna, kannski gang­andi á sandi og hrauni í lélegum striga­skóm. Menn eru að hrasa og detta og hrufla sig, og eins þegar þú ert að ganga í hrauni, þá þarf lítið til að þú hruflir þig ef þú dettu,“ segir Arnaldur við RÚV.