2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Uppsagnir hjá DV – Nýr ritstjóri kynntur

Minnst átta starfsmönnum var sagt upp störfum hjá DV í dag, bæði í hópi blaðamanna og sölumanna. Um er að ræða fimm blaðamenn hið minnsta samkvæmt heimildum Mannlífs.

Lilja Katrín Gunnarsdóttir, sem tók við sem ritstjóri DV í maí í fyrra, mun hætta störfum og verður nýr ritstjóri DV kynntur í dag eða á morgun.

Samkeppniseftirlitið samþykkti í síðustu viku samruna Torgs ehf. og Frjálsrar fjölmiðlunar ehf., sem gefur út DV, en tilkynnt var um kaup Torg 13. desember í fyrra.

Sjá einnig: Samkeppniseftirlitið samþykkir kaup Torgs á DV

AUGLÝSING


Torg er útgáfufélag Fréttablaðsins og rekur fréttavefinn frettabladid.is. Þá á Torg dótturfélagið Hringbraut fjölmiðla ehf. Frjáls fjölmiðlun er útgáfufélags dagblaðsins DV og rekur jafnframt vef undir sama nafni.

Í janúar var fimm starfsmönnum sagt upp hjá DV, og hafði Mannlíf þá heimildir fyrir því að Karl Garðarsson, framkvæmdastjóri DV, væri á útleið, hann er þó enn í starfi.

Lestu meira

Annað áhugavert efni

Nýjast á Mannlíf.is

Nýjast á Gestgjafanum