- Auglýsing -
Erlendur aðili beraði sig við íþróttavöll í Laugardalnum en viðkomandi var farinn af vettvangi þegar lögregluna á höfuðborgarsvæðinu bar að garði. Málið er til rannsóknar.
Lögregla var einnig kölluð til í Breiðholtinu vegna grunsamlegra mannaferða. Þar bankaði maður upp á íbúðir í hverfinu og sagðist vera að safna fyrir Landsbjörg. Bað maðurinn fólk um bankaupplýsingar þeirra.
Lögregla sinnti líka útkalli eftir að tveir aðilar stungu af frá reikningi á veitingastað. Þá tilkynnti íbúðareigandi í Reykjavík um skotvopn í íbúðinni sem viðkomandi kannaðist ekki við. Við skoðun kom í ljós að byssan var úr plasti.