Formaður sóknarnefndar Digraneskirkju – Valgerður Snæland Jónsdóttir – segist vilja sjá alla stjórn Sinfóníuhljómsveitar Íslands segja af sér. Þetta upplýsir hún á Facebook-síðu sinni, í kjölfarið á fráögn Bjarna Frímanns Bjarnasonar tónlistarmanns um að Árni Heimir Ingólfsson hafi brotið á honum kynferðislega, sem og að stjórn Sinfón hafi hylmt yfir það:
„LOKSINS nær alvöru mál athygli … Stjórn Sinfóníunnar verður öll að segja af sér …,“ skrifar Valgerður á síðu sinni; deilir fréttum af máli Bjarna Frímanns.
En sjálf var Valgerður í vikunni – í Fréttablaðinu – sökuð um líkamlegt og andlegt ofbeldi á vinnustað hennar af kirkjuverði Digraneskirkju, Sigríði Sigurðardóttur, sem sagði frá því að Valgerður og önnur kona hafi meðal annars kreist hana á milli sín:
„Ég stóð þarna, milli þessara kvenna, og þetta var svo ógeðslegt að ég get ekki lýst því. Mig langaði helst að brenna fötin mín,“ voru orð Sigríður sem nú er komin í veikindaleyfi vegna málsins.“
Í sömu frétt kom það líka fram að Valgerður, og sóknarnefnd kirkjunnar, vilji fá séra Gunnar Sigurjónsson, fyrrverandi sóknarprest, aftur til starfa; en Agnes M. Sigurðardóttir biskup vék Gunnari úr embætti í kjölfar niðurstöðu óháðs teymis þjóðkirkjunnar: Sem komst að þeirri niðurstöðu að Gunnar hafa gerst sekur um kynferðislega áreitni – kynbundið ofbeldi sem og einelti gegn sex konum.