Laugardagur 4. desember, 2021
-5 C
Reykjavik

KSÍ vill fleiri konur: „Þessu þurfum við að breyta“

Helgarviðtalið

- Auglýsing -

Orðrómur

- Auglýsing -

Knattspyrnusamband Íslands vill fjölga konum innan sambandsins. Auglýsing með þeim skilaboðum, ásamt myndbandi, var birt á Twitter-síðu KSÍ í morgun.

„Þriðjungur skráðra leikmanna á Íslandi er kvenkyns. Þegar kemur að öðrum hlutverkum í knattspyrnuhreyfingunni er hlutfall kvenna mun lægra. Þessu þurfum við að breyta og hvetur KSÍ konur til að ganga til liðs við knattspyrnuhreyfinguna og hefja störf!“ segir í tilkynningu sem fylgir myndbandinu.

Í myndbandinu talar Hildur Jóna Þorsteinsdóttir, framkvæmdastjóri knattspyrnudeildar FH, um starf sitt, metnað og mikilvægi þess að konur starfi innan hreyfingarinnar.

„Að vera kona innan knattspyrnuhreyfingarinnar í dag verður alltaf einfaldara og einfaldara, en persónulega finnst mér þetta allt vera að breytast. Ég horfi björtum augum á að með því að fleiri konur komi inn í starfið að þá verði ekkert sem heitir karlahreyfing.

Við getum öll haft áhrif, kyn skipta ekki máli. Ég myndi hvetja allar konur til að taka þátt í, hvort sem það sé í starfi eða í sjálfboðaliðastarfi, eða hvað sem það heitir innan knattspyrnuhreyfingarinnar. Því að það er afskaplega gaman og gríðarlega gefandi og þú kynnist skemmtilegu fólki og bætir umgjörðina.

Ég hvet alla til að taka þátt í starfi knattspyrnuhreyfingarinnar, hvort sem þú ert kona eða karl,“ segir Hildur Jóna meðal annars í myndbandinu.

- Auglýsing -

Á heimasíðu KSÍ má sjá tvö önnur myndbönd þar sem rætt er við Sigríði Björk Þorláksdóttur Baxter annars vegar og Bergrós Lilju Unudóttur hins vegar, sem báðar starfa innan knattspyrnuhreyfingarinnar.

Auglýsingarnar voru fyrst birtar í maí á þessu ári, en átakið rímar þó vel við hugðarefni og áherslur Vöndu Sigurgeirsdóttur, nýkjörins formanns Knattspyrnusambands Íslands.

Tilkynninguna og myndböndin þrjú má finna á heimasíðu KSÍ.

- Auglýsing -

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -