2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Var ranglega sagður hluti af þjófagengi í fréttum og íhugar málsókn

Pioaru Alexandru Inonut, einn þeirra sex Rúmena sem lögregla lýsti eftir fyrr í mánuðinum í tengslum við lögregluaðgerðir þar sem tveir menn sem smitaðir voru af COVID-19 voru handteknir, íhugar nú málsókn gegn rúmenskum fjölmiðlum.

Pioaru segir frá þessu í viðtali við Morgunblaðið í dag. Hann segir að þegar íslenska lögreglan hafi sent út mynd af honum og óskað að ná tali af honum hafi fjölmiðlar ranglega bendlað hann við þjófagengi í fréttum um málið. Hann segir fréttirnar hafa ratað til Rúmeníu þar sem hann var sagður þjófur í fjölmiðlum þar í landi.

Pioaru kom til landsins með sama flugi og þrír Rúmenar sem voru handteknir fyrir þjófnað skömmu nokkrum dögum eftir komuna til landsins en Pioaru þekkir þá menn ekki. Hann segir það vera misskilning að hann sé með þeim í „þjófagengi“. Hann segir í samtali við Morgunblaðið að hann hafi komið hingað til lands til að vinna hjá íslensku verktakafyrirtæki.

Meðfylgjandi mynd er sú sem lögregla sendi út á fjölmiðla og var svo ítrekað notuð með fréttum í Rúmeníu þar sem sagt var frá þjófagengi á Íslandi.

AUGLÝSING


Pioaru kveðst hafa verið brugðið vegna myndbirtingarinnar en hann gaf sig strax fram við hérlend lögregluyfirvöld. Móðir Pioaru hringdi þá í hann og stakk upp á að hann myndi leita til lögfræðings.

Lestu meira

Annað áhugavert efni

Nýjast á Mannlíf.is

Nýjast á Gestgjafanum