• Orðrómur

Verð á hangilæri fer öfugt ofan í neytendur

Helgarviðtalið

- Auglýsing -

Orðrómur

- Auglýsing -
Eitthvað virðist verð á hangilæri frá KEA, sem framleitt er af Norðlenska, hafa farið öfugt ofan í neytendur á dögunum. Þannig er vakin athygli á því í Facebookhópnum „Vertu á verði – eftirlit með verðlagi“ að verð á rúmlega tveggja kílóa hangilæri frá KEA kosti 9.114 krónur í Krónunni. Kílólóverðið á hangilærinu er því 4.299 krónur. Steinar vekur athygli á þessu. 
Því er fleygt fram af þeim sem deilir færslunni að í ljósi þessa geti ekki talist skrýtið að íslenskur landbúnaður standi höllum fæti. Sá sem upphaflega birtir færsluna á eigin Facebooksíðu og ætlaði sér að festa kaup á hangilærinu segir þetta flokkast undir tandurhreina glæpamennsku. Hann tekur svo fram að hangilærið hafi orðið eftir í kjötborðinu.
Undir færslunni verða til umræður og vangaveltur um landbúnaðargreinina og ýmsir vekja athygli á því að bændur beri heldur skarðan hlut frá borði í samanburði við aðra aðila í framleiðslukeðjunni. Þess má geta að reiknað afurðaverð Norðlenska til bænda fyrir dilka eru 530 krónur á kílóið árið 2021, samkvæmt Bændasamtökunum.

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Nýtt í dag

Mest lesið í vikunni

Í fréttum er þetta helst...

- Auglýsing -