Vigfús Bjarni Albertsson prestur segir að sér hafi verið hótað eftir að flutti tillögu sem skyldaði presta til að gifta samkynhneigt fólk. Hann rifjar þetta upp á Facebook en tilefnið er að um helgina var haldin samvera sem fjallaði um samskipti kirkjunnar og samkynhneigðra.
„Um helgina var haldin samvera sem fjallaði um samskipti kirkjunnar og samkynhneigðra. Ég flutti tillögu á kirkjuþingi 2015 ásamt sr. Guðrúnu í Grafarvogi og sr. Guðbjörg Arnardóttir á Selfossi og Halla Halldórsdóttir og Ragnheiður leikmenn um að samviskufrelsi presta gilti ekki um hjónavígslu samkynhneigðra, tillagan skyldaði presta til að gifta samkynhneigt fólk,“ skrifar Vigfús.
Hann segist seint gleyma viðbrögðunum. „Tillagan var samþykkt, mörg okkar sem stóðum að þessari tillögu munum seint gleyma umræðum, símtölum og jafnvel hótunum, fundum en því betur fór þetta vel. Einn aðili spurði mig hvort ég væri huglaus maður sem vildi selja kirkjuna tíðarandanum.“