Sunnudagur 4. desember, 2022
-2.2 C
Reykjavik

Vilhjálmur segir Sjálfstæðismenn hafa skotið sig í fótinn: „Þetta mun valda flokknum tjóni“

Helgarviðtalið

- Auglýsing -

Orðrómur

- Auglýsing -

Vilhjálmur Birgisson, formaður Starfsgreinasambandsins og Verkalýðsfélags Akraness, segir á Facebook að Sjálfstæðismenn séu að skjóta sjálfan sig í fótinn með því að leggja fram frumvarp, sem að svo virðist hafi þann eina tilgang að grafa undan stéttarfélögum á Íslandi. Vilhjálmur segir að með þessu sé flokkurinn að hrekkja í burtu alla stuðningsmenn flokksins sem eru jafnframt launafólk.

Pistill Vilhjálms í heild sinni:

Hann Vilhjálmur nafni minn Árnason verður að fyrirgefa mér það, en hvorki mér né alþýðu þessa lands dettur til hugar að halda að þetta frumvarp  Sjálfstæðisflokksins um frjálsa félagsaðild sé lagt fram vegna „góðmennsku“ flokksins í garð stéttarfélaganna.

Nei þetta frumvarp er bein  árás á stéttarfélögin og mun stórskaða hagsmuni launafólks og mitt mat er að flokkurinn er fullmeðvitaður um að þetta frumvarp myndi veikja stöðu stéttarfélaganna  ef það yrði að lögum.

Það er bláköld staðreynd í mínum huga að þetta mun valda flokknum tjóni, enda eru þúsundir launamanna sem þurfa á hjálp og þjónustu stéttarfélaganna á degi hverjum og þeir sjá í gegnum þessa aðför sjálfstæðismanna að stéttarfélögunum.

Það er hins vegar rannsóknarefni að sjálfstæðismenn skuli eyða tíma í leggja þetta frumvarp fram á sama tíma og lífskjarakrísa herjar á neytendur, launafólk og heimili.  Lífskjarakrísa sem er vegna hækkunar á leigu, vöxtum, matvöru og nánast á öllum kostnaðarliðum sem heimilin þurfa að standa straum af í hverjum mánuði!

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -