- Auglýsing -
12 hafa greinst með COVID-19 hér á landi á síðasta sólarhring og er fjöldi staðfestra COVID-19 smita hér á landi er kominn upp í 1.739. Virk smit voru í gær 587 samkvæmt nýjustu covid.is, á þriðjudaginn voru virk smit 643.
Í gær voru 336 sýni rannsökuð á sýkla- og veirufræðideild Landspítalans, 11 þeirra reyndust jákvæð. Þá voru 482 sýni rannsökuð hjá Íslenskri erfðagreiningu í gær og eitt smit greindist í þeim sýnum.
Samkvæmt tölum covid.is hafa 1.144 einstaklingar náð bata eftir að hafa smitast.
Almannavarnadeild ríkislögreglustjóra boðar til upplýsingafundar í dag klukkan 14.00. Gestir fundarins verða Páll Matthíasson, forstjóri Landspítala auk Silju Ingólfsdóttur frá Rauða krossinum sem mun fjalla um félagslega einangrun og einmanaleika.