Formenn flokkanna á Alþingi hafa ákveðið að gefa Úkraínu færanlegt sjúkrahús.
Í tilkynningu um málið segir að formenn og fulltrúar stjórnmálaflokka sem eiga sæti á Alþingi leggi fram tillögu til þingsályktunar um að fela utanríkisráðherra að fjárfesta í færanlegu neyðarsjúkrahúsi til notkunar fyrir særða hermenn.
„Frá því að innrás Rússa hófst hefur stuðningur Íslands við Úkraínu verið skýr, bæði meðal almennings og stjórnvalda. Á Alþingi hefur ríkt þverpólitísk samstaða um stuðninginn og leggja formenn flokkanna áherslu á að undirstrika þá samstöðu með þessari gjöf,“ segir í áðurnefndri tilkynningu.
Sjúkrahúsið skiptir miklu máli; til að sinna bæði særðum hermönnum sem og almenningi; Úkraínsk stjórnvöld hafa komið því á framfæri við stjórnvöld hér á landi að mikil þörf sé á færanlegum neyðarsjúkrahúsum fyrir særða hermenn.
Forseti Úkraínu, Volodomyr Selenskí, hefur ítrekað þakklæti sitt fyrir yfirgnæfandi stuðning Íslendinga við málstað Úkraínu á fundum sínum með forsætisráðherra Íslands, Katrínu Jakobsdóttur.“
Framleiðslutími á slíku sjúkrahúsi er um það bil hálft ár; áætlaður kostnaður nemur um 1.200 milljónum króna.