Íslenskar konur með hjarta úr gulli björguðu útigangsmanni: Sjáðu hvernig líf hans hefur gjörbreyst

Efnisorð

Deila

- Auglýsing -

Gústaf Níelsson, sagnfræðingur greinir frá því á Facebook-síðu sinni að íslenskar konur hafi nýverið bjargað útigangsmanni í spænska bænum San Miguel. Hafðist maðurinn við í helli. Sameiginlegt átak þessara íslensku kvenna gáfu manninum nýja von. Bergþóra, kona Gústafs, er ein þeirra sem gekk fram fyrir skjöldu til að hjálpa manninum. Gústaf segir:

„Til þess að gera langa sögu stutta vil ég segja örsögu af „þorpsrónanum“ hér í San Miguel, vini mínum Joob og hvernig sameiginlegt átak íslenskra kvenna hér gaf honum nýja von. Hann missti fótanna fyrir margt löngu, var orðinn sóðalegur og illa haldinn, en alltaf blíður. Hann bjó í helli úti á mörkinni og öllum var sama.“

„Þessar íslensku elskur tóku sig saman og tóku málin í sínar hendur og það var ekki auðvelt að sannfæra hann.

Þær útveguðu honum húsnæði, þvoðu af honum fötin og settu hann í bað, klippingu, fótsnyrtingu og gáfu honum að borða. Þær slógu um hann skjaldborg, sem enn varir,“ segir Gústaf.

Þá kom í ljós að hann átti eftirlaunarétt í Hollandi en til þess að virkja hann varð Joob að komast til fósturjarðarinnar.

„Á frú Bergþóru voru engar vomur, hún keypti handa honum flugmiða og fyrirskipaði okkar manni að koma honum klakklaust út á flugvöll og leysa hann út með smáræðis lausafé og sjá svo um að hann kæmist um borð í flugfarið. Allt tókst það með glans,“

segir Gústaf og gagnrýnir um leið stefnu stjórnmálamanna á Íslandi í málefnum útigangsfólks. Segir hann glórulaust að skattborgarar taki þátt í að skjóta skjólshúsi yfir alkóhólista og ýta þannig undir neysluna í stað þess að hjálpa þeim að hætta. Gústaf segir:

„Hvers vegna taka konur á Íslandi sig ekki til og rétta útigangsfólki hjálparhönd í stað þess að láta ópersónulegt opinbert vald sinna málunum með óvissum árangri?“

Hér má sjá tvær myndir af þessum ljúfa manni, teknar með árs millibili.

 

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -