- Auglýsing -
Eins og Mannlíf greindi frá í dag þá hefur Jóhannes Tryggvi Sveinbjörnsson, eða Stjörnunuddarinn, nýlega hafið starfsemi í Svíþjóð.
Fimmtán konur kærðu Jóhannes fyrir nauðganir og önnur kynferðisbrot og voru tíu þeirra látin niður falla þar sem þau þóttu ekki líkleg til sakfellingar. Ákærur voru lagðar fram í fjórum málum og í janúar síðastliðinn var Jóhannes dæmdur í fangelsi fyrir að hafa nauðgað fimm konum.
Jóhannes hlaut fimm ára dóm í ársbyrjun fyrir nauðganir, en býður nú upp á nudd í Svíþjóð.
Jóhannes hefur auglýst þá þjónustu sem hann býður upp á og hefur sænska blaðið Aftonbladet fjallað um það.
Í frétt Aftonbladet kom fram að ítrekað hafi verið reynt að ná tali af Jóhannesi, en árangurs.
Áfrýjun fimm ára fangelsisdóms Jóhannesar er á dagskrá í Landsrétti í þessum mánuði, en Jóhannes áfrýjaði dómnum og neitar ásökunum.
Mannlíf hefur öruggar heimildir fyrir því að Jóhannes sé kominn til Íslands á nýjan leik.
Samkvæmt sömu heimildum heldur Jóhannes til á Vatnsleysuströnd í Breiðgerðislandi, skammt frá kastala Stormskers.