Fimmtudagur 28. mars, 2024
-4.2 C
Reykjavik

Jón dylgjaði um mútuþægni þingmanns og heldur áfram: „Í ræðu minni ávarpaði ég þennan orðróm“

VefTv

- Auglýsing -

Hlaðvörp

- Auglýsing -
„Það var ekki rétt af mér í ræðustól Alþingis að vitna til orðróms sem hefur verið í gangi – enda hef ég ekki lagt slíkt í vana minn,“ segir Jón Gunnarsson dómsmálaráðherra vegna þess uppnáms sem varð eftir að hann dylgjaði um að stjórnarþingmaður hefði þegið mútur fyrir að hafa komið að veitingu ríkisborgararéttar.
Uppnám varð á Alþingi vegna ummæla ráðherrans sem sakaður var um lygar og annað siðleysi. Krafa kom upp um afsögn ráðherrans. Síðdegis birti hann færslu á Facebook þar sem hann viðurkenndi að ásökunin ætti ekki rétt á sér. Hann baðst þó ekki afsökunar.
„Í ræðu minni á þingi vísaði ég til þess orðróms sem hefur verið á kreiki um að tiltekinn þingmaður hafi greitt atkvæði um umsóknir um ríkisborgararétt handa einstaklingum sem hann hafði sinnt hagsmunagæslu fyrir. Þá hafi þingmaður hugsanlega í einhverju tilviki þegið þakklætisvott fyrir aðkomu sína að afgreiðslu mála,“ skrifar Jón og heldur svo áfram að dylgja með ásakanirnar.
„Í ræðu minni ávarpaði ég þennan orðróm og kallaði eftir því hann yrði skoðaður enda um alvarlegt mál að ræða ef rétt reynist. Það hvarflaði hins vegar ekki að mér að ásaka neinn um að hafa þegið mútur og mér þykir leitt að ég hafi ekki orðað þann hluta ræðu minnar nægilega skýrt. Með engum hætti vil ég saka þingmenn um mútuþægni,“ skrifaði Jón Gunnarsson.
Óljóst er hvenær Jón hættir sem ráðherra en fyrir liggur að Guðrún Hafsteinsdóttir mun koma inn í ríkisstjórnina á næstu misserum.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -