Fimmtudagur 28. mars, 2024
-0.2 C
Reykjavik

Jón Hjaltason: „Það virðist bara eiga að afgreiða, dæma og krossfesta“ – Inga: „Ömurleg staða“

VefTv

- Auglýsing -

Hlaðvörp

- Auglýsing -

Formaður Flokks fólksins, Inga Sæland, sagði í samtali við RÚV alla í stjórn flokksins vera harmi slegna vegna frásagna kvenna sem skipuðu sæti á lista flokksins í bæjarstjórnarkosningunum á Akureyri fyrr á þessu ári.

Inga er góður gítarleikari.
Inga Sæland.

Komið hefur á daginn að konurnar sem skipuðu annað, fjórða og fimmta sæti á lista Flokks fólksins segjast hafa verið hunsaðar og lítilsvirtar af karlaforystu flokksins á Akureyri sem og aðstoðarmönnum þeirra.

„Það er ömurlegt að vera komin í þessa stöðu að þurfa að vera að fjalla um svonalagað þegar við unnum stórkostlegan sigur á Akureyri.“

Inga sagði að ekki sé búið að taka ákvörðun hvort karlmönnunum sem ásakaðir eru verði vísað úr flokknum; einnig að málið sé yfirgripsmikið og að stjórn flokksins sé með mikið magn af gögnum sem eigi eftir að fara ítarlega yfir.

„Eitt er alveg víst að við munum alltaf standa með þolendum ef það er niðurstaðan.“

Flokkur fólksins – frambjóðendur á Akureyri í vor.

Einnig kom fram í sömu frétt RÚV að sagnfræðingurinn Jón Hjaltason, sem skipaði þriðja sæti á lista flokksins í vor segir þá Brynjólf Ingvarsson, oddvita og bæjarfulltrúa flokksins á Akureyri, ætla að fara fram á lögreglurannsókn vegna málsins.

- Auglýsing -

„Við viljum fá að vita um hvað ræðir og hverja ræðir. Því það kemur í rauninni ekki fram, þótt það megi náttúrulega lesa á milli lína, að það eru karlpungarnir á listanum sem eru þarna að brjóta af sér. Þá er ekkert um marga að ræða. Þótt að við séum ekki nefndir á nafn er greinilegt að spjótunum er beint gegn okkur. Okkar hlið skal ekki koma fram með einu né neinu. Það virðist bara eiga að afgreiða, dæma og krossfesta.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -