Jón Nordal lést í gær

Jón Nor­dal, tón­skáld og fyrr­ver­andi skóla­stjóri Tón­list­ar­skól­ans í Reykja­vík, er látinn, 98 ára að aldri. Hann var á meðal virtustu tónskálda Íslands og lætur eftir sig fjöldann allan af perlum á tónlistarsviðinu.

Jón Nor­dal fædd­ist í Reykja­vík 6. mars 1926 og lést 5. desember s.l. For­eldr­ar hans voru Ólöf Nor­dal og Sig­urður Nor­dal pró­fess­or. Systkini hans voru Bera, og Jó­hann­es. Morgunblaðið segir frá andlátinu og rekur æviferil Jóns.

Jón var skóla­stjóri Tón­list­ar­skól­ans í Reykja­vík á árabilinu 1959 til 1992, auk þess að kenna pí­anó­leik og tón­fræði. Sem pí­anó­leik­ari hélt Jón tón­leika hér á landi og er­lend­is, bæði sem ein­leik­ari og í sam­leik.

Eft­ir Jón liggja stór hljóm­sveit­ar­verk og ein­leikskonsert­ar, margs kon­ar kammer­tónlist og ein­leiks­verk, org­el­verk, kór­lög og stærri kór­verk, leik­hús­tónlist, söng­lög og fleira. Jón er höf­und­ur laga sem eiga sér­stak­an sess hjá þjóðinni. Á meðal þekktra laga hans eru „Hvert ör­stutt spor“ við ljóð Hall­dórs Lax­ness og kór­lagið og „Smá­vin­ir fagr­ir“ við ljóð Jónas­ar Hall­gríms­son­ar. Jón samdi .að lag 14 ára.

Eig­in­kona Jóns var Sol­veig Jóns­dótt­ir mennta­skóla­kenn­ari. Hún var fædd árið 1932 og lést árið 2012. For­eldr­ar henn­ar voru Þór­unn Björns­dótt­ir og Jón Helga­son, pró­fess­or í Kaup­manna­höfn. Börn Jóns og Sol­veig­ar eru Hjálm­ur, Ólöf og Sig­urður.