Það ríkir mikil sérstaklega mikil gleði þessa dagana á heimili tónlistarhjónanna Jóns Ólafssonar og Hildar Völu Einarsdóttur.
Þau hjónin eignuðust fallegan dreng þann fyrsta júlí síðastliðinn og er hann þeirra fjórða barn.
Jón og Hildur Vala eiga fyrir drengina Jökul og Kára Kolbein og stúlkuna Þórhildi Júlíu.
Það er því óhætt að segja að þessi tónelska fjölskylda sé nú sannarlega orðin að stórfjölskyldu.
Bæði eru þau Hildur Vala og Jón frábært tónlistarfólk; Hildur Vala varð þjóðþekkt þegar hún bar sigur úr býtum í Idol stjörnuleit fyrir sextán árum síðan, og þessi frábæra söngkona hefur gefið út þrjár plötur; vonandi eiga þær eftir að verða fleiri í framtíðinni.
Jón er eins og alþjóð veit meðlimur einnar vinsælustu hljómsveitar Íslandssögunnar, Nýdönsk, sem er enn að og er bara að verða betri og betri með árunum.
Hann var einn af stofnendum hljómsveitanna Possibillies, Bítlavinafélagsins og Sálarinnar hans Jóns míns. Jón hefur starfað sem tónlistarmaður frá árinu 1985, en þá leit sumarsmellurinn Móðurást dagsins ljós með áðurnefndri Possibillies.
Mannlíf sendir stórfjölskyldunni tónelsku innilegar árnaðaróskir af þessu gleðilega tilefni.