Jón Trausti Luthersson, sem var eitt sinni kallaður vítisengill Íslands, segir á Facebook að eiturlyf rústi heimilum og rífi fjölskyldur í sundur. Hann hefur nú eytt þeirri færslu en hún virðist byggð á keðjubréfi frá árinu 2012. Jón Trausti var viðstaddur þegar Arnar Jónsson Aspar var myrtur árið 2017 en var ekki dæmdur fyrir það mál. Hann fékk tvær milljónir frá ríkinu vegna gæsluvarðhalds í því máli.
„HALLÓ, EITURLYF HEITI ÉG – ég rústa heimilum, ríf fjölskyldur í sundur, tek börnin frá ykkur, og þetta er bara byrjunin. Ég kosta meira heldur en demantar, meira en gull, sorgin sem fylgir mér er sjón til að sjá. Ef þú þarfnast mín, mundu að það er auðvelt að finna mig, ég er allstaðar í kringum þig, ég er í skólum og í samfélaginu. Ég bý með þeim ríku, þeim fátæku líka, ég bý neðar í götunni og jafnvel er ég nágranni þinn,“ skrifar Jón Trausti.
Textinn virðist vera frá árinu 2012, í það minnsta má finna samhljóðandi stöðufærslur frá þeim tíma. „Máttur minn er æðislegur; prófaðu bara og þú munt sjá hann, en ef þú prófar mig munt þú ALDREI sleppa. Prófaðu mig einu sinni og kannski ég sleppi þér, en prófaðu mig tvisvar og sál þín er mín. Þegar ég stjórna þér, stelur þú og lýgur. Þú gerir hvað sem er bara til þess að komast í vímu. Glæpirnir sem þú fremur, bara til að finna fyrir mér munu verða þess virði þegar þú hefur mig í örmum þínum. þú Munt ljúga af móður þinni, stela af föður þínum. Þegar þú sérð tár þeirra, ættiru að finna fyrir sársauka,“ segir í þeim.