Fimmtugur karl hefur verið ákærður fyrir tilraun til manndráps, sem og stórfellt brot í nánu sambandi, með því að ráðast aftur og aftur að fyrrverandi sambýliskonu sinni og barnsmóður, með öxi á bílastæði við Dalskóla í Úlfarsárdal seint á síðasta ári.
Það er héraðssaksóknari sem hefur gefið út ákæruna; karlmaðurinn hefur sætt gæsluvarðhaldi síðan hann var tekinn höndum þann 29. nóvember síðatliðinn.
Í ákærunni kemur fram að öxin hafi verið með 12 sentímetra löngu blaði, og að maðurinn hafi slegið konuna með öxinni í höfuð hennar; grýtt henni í jörðina; átt í átökum við hana þangað til hún komst undan; leitaði skjóls inni í skólanum.
Maðurinn ógnaði lífi, heilsu og velferð barnsmóður sinnar á afar alvarlegan og sérlega sársaukafullan og meiðandi hátt, eins og segir í ákærunni.
Hlaut konan opið sár á höfði, einnig brot á höfuðkúpu sem og andlitsbeinum; mar og sár á upphandlegg.
Einnig er manninum gefið að sök að hafa unnið skemmdir á bifreið konunnar með öxinni áðurnefndu.
Urðu skemmdirnar það miklar að bíllinn eyðilagðist hreinlega; eins segir í ákærunni.
Héraðssaksóknari krefst þess að karlmaðurinn verði dæmdur til refsingar sem og greiðslu sakarkostnaðar.
Til vara er farið fram á að hann sæti öryggisgæslu á viðeigandi stofnun, og líka er gerð krafa upp á 4,5 milljónir íslenskra króna í miska- og skaðabætur fyrir konuna; einnig tvær milljónir króna vegna tjóns á bíl konunnar.