Kári bjartsýnn á að einangrun heyri brátt sögunni til:„Eða að minnsta kosti að nota það mjög lítið“

Kári Stef­áns­son, for­stjóri Íslenskrar erfða­grein­ingar er á því að von bráðar gætu sótt­varnir og ein­angr­anir heyrt sög­unni til, nema í und­an­tekn­ing­ar­hlut­föllum. Segir hann að gögn sýni að fylli­lega sé ástæða til að end­ur­skipu­leggja sótt­varn­ar­að­gerðir yfir­valda.

Kári var gestur í Viku­lok­unum á Rás 1 rétt fyrir hádegi í dag. Kom þar fram hjá honum að breyt­ingar séu að verða á far­aldr­inum með komu omikrón afbrigð­inu. Segir hann að það valdi ekki Covid-19 heldur allt öðrum sjúk­dómi. Aðspurður hvort að í ljósi þess, hafi yfir­völd verið á villi­götum með aðgerðum sínum und­an­farið, segir Kári það ekki rétt því enn sé delta afbrigðið að grein­ast í fimm­tíu manns á dag. Það afbrigði sé mjög ill­vígt og að okkur hafi tek­ist á fara skyn­sam­legan milli­veg í sótt­varn­ar­að­gerðum.

„Ég held að við höfum verið mjög heppin með hvernig við höfum höndlað þetta fram til dags­ins í dag, en þetta er að breyt­ast og gögnin sýna okkur að við höfum fulla ástæðu til þess að end­ur­skipu­leggja þetta og ég yrði ekk­ert hissa á því að innan skamms tíma þá yrði hætt að nota sótt­kví og ein­angrun, eða að minnsta kosti að nota það mjög lítið,“ segir Kári Stef­áns­son.

Segi hann einnig að það mætti hugsa sé að hyggi­legt að vera með smitrakn­ingu hjá þeim sem fá delta afbrigði en með færri skimunum næð­ist ekki til fleiri eða allra þeirra sem grein­ast með það afbrigði.