Kári vill skylda bólusetningu: „Drullusokksháttur að láta ekki bólusetja sig“

Kári Stef­áns­son, for­stjóri Íslenskra erfða­grein­ingar, telur ríka ástæðu til þess að skylda bólu­setn­ingar hér á landi gegn Covid-19. Að bólu­setja sig ekki kallar hann ein­fald­lega drullu­sokka­hátt.

„Ég myndi ekki gráta það ef þess yrði kraf­ist af fólki að það færi í bólu­setn­ingu. Ég veit að það er fullt af fólki þarna úti sem fynd­ist það mik­ill fas­ismi og ljótt að krefj­ast þess að fara í bólu­setn­ingu. Mér finnst per­sónu­lega eins og það sé drullu­sokks­háttur að láta ekki bólu­setja sig,“ segir Kári.

Nýjustu rann­sóknir gefa til kynnar að þriðji skammtur bólu­efnis gegn kór­ónu­veirunni komi að veru­legu leyti í veg fyrir smit og alvar­lega veik­indi. Í því ljósi finnst Kára staðan breytt og telur að yfir­völd eigi að ræða bólu­setn­ing­ar­skyldu.

„Þannig að það er komin miklu rík­ari ástæða fyrir því að velta þess­ari spurn­ingu fyrir sér.  Ekki vegna hags­muna okkar sem ein­stak­linga heldur vegna hags­muna sam­fé­lags­ins. Ég held því fram að bólu­setn­ing sé rétt­læt­an­leg skylda. Síðan liggur það í auga hvers manns hvort hann lítur á það sem fas­isma eða ekki. Ég myndi ekki gera það, ósköp ein­fald­lega ekki. Ég held því fram að við höfum þjáðst nægi­lega mikið af þess­ari far­sótt til að rétt­læta það ef þessi bólu­setn­ing er að ná utan um það, að við eigum öll að und­ir­gang­ast bólu­setn­ingu,“ segir Kári og bætir við:

„Ég held að þær tak­mark­anir á hegðun fólks sem við höfum núna þær dugi ekki til. Við vitum hins vegar hvað þarf, við fórum í gegnum það á síð­asta ári. Eitt af því sem ég held að menn verði að velta fyrir sér alvar­lega, er hvort við eigum ekki að fara niður í þessar stíf­ustu tak­mark­anir sem voru á síð­asta ári í örskamman tíma, tvær vikur eða svo. Svo getum við létt á þeim en gert kröfu um að allir séu með sótt­varna­grímur,“ segir Kári.