Lögregla, slökkvilið og björgunarsveitir sinntu fjölmörgum útköllum í gær vega veðurs. Verkefnin voru um 70 talsins frá því klukkan 22:45 til 04:00 í nótt en var ýmislegt sem fauk þrátt fyrir viðvaranir. Vinnupallar hrundu, kerrur og hjóhýsi fuku til, partýtjald, þakplötur og klæðningar.
Þá barst lögreglunni tilkynning um líkamsárás í miðbæ Reykjavíkur. Maður hafði verið kýldur í andlit og laminn í höfuð með síma, var sá fluttur á Bráðadeild meðsjúkrabíl. Árásaraðilinn var farinn af vettvangi er lögregla kom.
Þrátt fyrir ítrekuð afskipti lögreglu af karlmanni í miðbænum hélt hann áfram að valda ónæði. Lögregla handtók manninn í gækvöld og gisti hann fangageymslu. Maðurinn var í annarlegu ástandi.
Annar karlmaður var handtekinn í miðbæ stutt síðar fyrir að ógna fólki. Gisti sá í fangaklefa lögreglu.
Þá mætti lögregla á vettvang í hverfi 105 en þar hafði verið tilkynnt um mann sem lá á gangstétt. Kom í ljós að maðurinn hafði fokið í rokinu og kenndi til í hendi. Var hann fluttur með sjúkrabíl á Bráðadeild.
Skömmu fyrir klukkan fjögur í nótt var tilkynnt umferðarslys á Reykjanesbraut í grennd við Straumsvík. Þar hafði bifreið ekið á ljósastaur en var ökumaður einn í bílnum. Ekki er vitað um meiðsli viðkomandi að svo stöddu en sjúkrabíll mætti á vettvang. Bílinn var töluvert skemmdur og fluttur burt með Króki.