- Auglýsing -
Karlmaður var handtekinn í gærkvöldi eftir líkamsárás. Maðurinn var látinn gista í fangaklefa lögreglu en var hann í annarlegu ástandi. Rannsókn stendur yfir.
Þá var annar maður handtekinn og látinn gista fangaklefa. Grunur leikur á að maðurinn hafi dvalið of lengi á Íslandi og er málið í rannsókn.
Þrjár konur óskuðu eftir aðstoð lögreglunnar í gærkvöldi. Hafði maður veitt konunum þremur eftirför. Maðurinn fannst ekki er lögreglan kom á vettvang.
Ekið var á kyrrstæðan bíl við verslanamiðstöð í gærkvöldi. Ökumaður ákvað að stinga af en vitni létu lögregluna vita og veittu upplýsingar.
Þrír ökumenn voru handteknir í gærkvöldi og í nótt. Eru þeir allir grunaðir um akstur undir áhrifum vímuefna.