Föstudagur 29. mars, 2024
4.8 C
Reykjavik

Kirkjan opnar faðminn fyrir Ingu Sæland: Vöfflur og kaffi í húsi Guðs

VefTv

- Auglýsing -

Hlaðvörp

- Auglýsing -

Flokkur Fólksins með eldklára og eldspræka Ingu Sæland fremsta í flokki er bæði á ferð og flugi og býður flokksmönnum og öðrum þeim sem eru áhugasamir um málefni flokksins í vöfflukaffi, sem haldið er á hverjum sunnudegi.

Staðsetning vöfflustundarinnar er nokkuð áhugaverð; jafnvel óvenjuleg: Í kirkju.

Varla verri staður en hver annar fyrir vöfflur, kaffi og pólitík, en ekki mjög algeng blanda hér á landi allavega.

- Auglýsing -

Opnar mögulega á ýmsa staðsetningarmöguleika fyrir stjórnmálaflokka; einhverjum gæti til að mynda fundist áhugavert að sjá Áslaugu Örnu á framboðsfundi í mosku eða Sigmund Davíð hjá Medical Cannabis Samtökunum, hvað þá ef Sigríður Á Andersen myndi snúast hugur og bjóða sig fram á nýjan leik væri tilvalið að blása til fundar hjá flóttamönnum í þeirra glæsilegu húsakynnum. Af hverju ekki?

Flokkur Ingu „lofar notalegri samverustund þar sem hægt er að spjalla við frambjóðendur sem og aðra flokksmenn, og ekki er verra að hlýja sér yfir heitum kaffibolla með vöfflunum; Eins og vonandi flestir vita nú þegar, þá er nýja skrifstofan okkar á neðri hæðum Grafarvogskirkju – Fjörgyni 1 – þar sem áður var til húsa Borgarbókasafn Reykjavíkur.“

- Auglýsing -

Kannski kallar þessi óvenjulega staðsetning hjá Flokki fólksins á pólitíska og trúarlega vakningu hér á landi sem ilmar af rjóma, sultu, vöfflum og kaffi? Og mögulega styrkist frekar samband ríkis og kirkju, sem er vissulega umdeilt ástarsamband sem einhverjir vilja slíta og einhverjir styrkja.

Þeir sem vilja styrkinguna eru eindregið hvattir til að mæta á morgun, en hinir halda sig líkast til heima, enda ekki allir á því að pólitík og trú eigi eitthvað sameiginlegt og sé sniðug blanda.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -