2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Kisi truflar sjónvarpsviðtal og það er sprenghlægilegt

Pólski fræðimaðurinn Dr. Jerzy Targalski mætti nýverið í viðtal í hollenskum þætti á sjónvarpsstöðinni NTR þar sem hann talaði um krísuna innan pólska dómskerfisins.

Tilefni viðtalsins voru lagabreytingar pólsku ríkisstjórnarinnar sem fólu í sér lækkun á eftirlaunaaldri dómara úr 70 árum niður í 65 ár. Leiddi þetta til þess að 27 af 72 hæstaréttardómurum Póllands voru neyddir til að segja af sér, en litið er á þessar lagabreytingar sem lið í herferð stjórnarflokksins PiS gegn sjálfstæði pólska dómskerfisins.

Þetta viðtal væri svo sem ekki í frásögur færandi nema fyrir þær sakir að kisa Dr. Jerzy, hin skemmtilega Lisio, ákvað að stela algjörlega sviðsljósinu af fræðimanninum.

Lisio gerði sér lítið fyrir og hoppaði upp á eiganda sinn, sem náði einhvern veginn að halda sér pollrólegum í viðtalinu og halda áfram að tala um þá háalvarlegu stöðu sem upp er komin í Póllandi.

Myndbandið má sjá hér fyrir neðan, en það er í einu orði sagt sprenghlægilegt:

Ekki missa af þessum

Engar færslur fundust.

Annað áhugavert efni

Nýjast á Mannlíf.is