Sjálfur kóngurinn á Kaffi Krús á Selfossi, Tómas Þóroddsson, hefur sett kastalann sinn á sölu.
Hér er um að ræða einbýlishús sem var byggt árið 1955.
Húsið er engin smásmíði, eða 356 fermetrar að stærð.
Kastali Tómasar á Kaffi Krús er á tveimur hæðum, ásamt kjallara.
Segja má að húsið eða kastalinn öllu heldur, sé vel staðsettur, glæsilegur og afar smekklegur. Þakið er meira að segja fallegt og þegar inn er komið sést að þar hefur smekkvísin fengið að ráða öllu og plássið er svo sannarlega vel nýtt.
Umhverfi hússins er líka stórkostlegt, eins og sjá má.
Verðið fyrir þessa gullfallegu fasteign er 140 milljónir króna.
Þetta er því eitt stykki sunnlenskur kastali eins og þeir gerast bestir og fallegastir.
Sjálfur er Tómas mikill athafnamaður og á til dæmis staði eins og Messann og Vor á Selfossi. Hann komst í fréttirnar í sumar fyrir allt annað en að fyrirtækin sín eða fasteignakaup eða fasteignasölu – en þá fékk hann sjálfan Ingó Veðurguð til að skemmta í fimmtugsafmæli sínu í ágúst, en þá voru ásakanir á hendur Ingó í hæstu hæðum; einnig var fundið að því að hann fengi Ingó í afmælið vegna þess að Tómas hefur verið í stjórn KSÍ frá árinu 2010, og hafði í kringum afmælið sitt skrifað undir yfirlýsingu stjórnar KSÍ um að staðið sé með þolendum ofbeldis.
Smelltu hér til að lesa allt um málið í brakandi fesku helgarblaði eða flettu því hér fyrir neðan: