Það stefnir í örtröð smáflokka á Alþingi ef skoðanakönnun MMR gengur eftur. Alls munu níu flokkar ná inn þingmönnum. Eins og í öðrum könnunum þá er Sjálfstæðisflokkurinn stærstur með tæplega 25 prósenta fylgi í komandi kosningum. Það fylgi er þó afar lítið ef litið er til sögunnar.
Þeir flokkar sem tapa mestu frá síðustu kosningum eru Vinstri græn, sem mælast með 6,1 prósent minna fylgi, og Miðflokkurinn, sem fengi 4,3 prósent minna fylgi. Þetta kemur fram visir.is.
Framsóknarflokkurinn er næststærsti flokkurinn með 13,3 prósent. Samfylking mælist með 12,1 prósent og Vinstri græn með 10,8 prósent. Píratar eru með 9,8 prósent en Sósíalistar mælast með 8,4. Þessi könnun bendir til þess líkt og aðrar kannanir að Sósíalistar verði sigurvegarar kosninganna.
Könunin bendir til þess að Vinstri grænir tapi fjórum þingsætum en Flokkur fólksins tapi tveimur þingsætum.
Sjálfstæðisflokkurinn bætti við sig manni, Framsókn og Samfylking héldu sínum átta og sjö en Vinstri græn töpuðu fjórum.
Samkvæmt könnuninn er ekki hægt að mynda ríkisstjórn með færri en þremur flokkum. Núverandi ríkisstjórn er í fallhættu.
Frjálslyndi lýðræðisflokkurin, með Guðmund Franklín Jónsson og Glúm Baldvinsson í forystu, mælist ekki með fylgi sem dugar til þingsetu.