Kristinn Hrafnsson, ritstjóri Wikileaks, segir nú sé komið gott af hörðum sóttvarnareglum. Viðkvæmasta fólkið sé bólusett og mjög langt síðan einn einasti Íslendingur smitaðist utan sóttkvíar innanlands.
„Þetta er orðið ágætt. Köstum grímunni og fellum niður allar takmarkanir innanlands nú þegar. Er ekki næstum mánður síðan það fannst virkt smit utan sóttkvíar innanlands? Það er búið að bólusetja allra viðkvæmasta hópinn í efsta aldursþrepi. Varnir á landamærum hafa verið hertar. Eftirlit með fólki í sóttkví hefur verið aukið,“ segir Kristinn.
Hann segir enn fremur að engin ástæða sé fyrir því að bjóða ekki Breta velkomna í sumar. Þar stefni í að allir verði bólusettir þegar nóg er eftir af sumrinu. „Förum svo að huga að sumri á grundvelli meðalhófs og heilbrigðrar skynsemi. Helmingur þjóðarinnar verður fullbólusettur í júní og fleiri komnir með vörn eftir að hafa fengið fyrri sprautu. Bretar verða búnir að bólusetja alla sína í lok júní. Á hvaða forsendu ætlum við að setja skorður við frjáls ferðalög þeirra til Íslands í sumar?,“ spyr Kristinn og bætir við að lokum:
„Mæli með því að við blásum til cov-kveðjuhátíðar.“