Miðvikudagur 27. mars, 2024
-0.2 C
Reykjavik

Kristján ráðherra góðvinur skæruliða Samherja: „Ég þekki Pál Steingrímsson mjög vel“

VefTv

- Auglýsing -

Hlaðvörp

- Auglýsing -

„Ég hef verið í samskiptum við Pál Steingrímsson sem ég þekki bara frá því að hann var nemandi í Stýrimannaskólanum á Dalvík …” svaraði Kristján Þór Júlíusson sjávarútvegs- og landbúnaðarráðherra Höskuldi Kára Schram, fréttamanni RÚV að loknum ríkisstjórnarfundi í dag en ráðherra þvertekur þó fyrir að hafa nokkur tengsl við skæruliðadeild Samherja. 

„Ég hef verið í samskiptum við Pál Steingrímsson sem ég þekki bara frá því að hann var nemandi í Stýrimannaskólanum á Dalvík eins og aðra íbúa í Norðausturkjördæmi,“ segir sjávarútvegs- og landbúnaðarráðherra þá einnig í viðtali við fréttamann. Þá þvertekur ráðherra fyrir að Samherjamálið sé orsök fráfarandi veru hans af þingi. „Ég er búinn að gera grein fyrir því af hverju ég er að hætta í pólitík. Ég er búinn að vera hátt í fjóra áratugi í pólitík.“

MANNLÍF fjallaði einmitt um námsferil Páls í Stýrimannaskólanum forðum daga í Nærmynd fyrr í dag. Útskrift Páls bar heldur brátt upp þegar tilvonandi stýrimaður þreytti þrefalt lokapróf á einum og sama deginum að upplagi Þorsteins Más, sem sendi títtnefndan í Stýrimannaskólann til að keyra upp togaraútgerð og koma dallinum frá bryggju forðum daga. 

Aðspurður segir sjávarútvegs- og landbúnaðarráðherra einnig að hann þekki Pál Steingrímsson mjög vel og hafi margoft talað við skipstjórann, en víkur sér þó undan spurningu fréttamanns sem varpar þeirri hugmynd upp hvort ráðherra hafi tekið upp símann, þar sem hann þekki allt þetta fólk og hvort hann hafi gefið skæruliðadeild góð ráð eftir seinustu uppljóstranir. 

Eins og ég segi, ég þekki Pál Steingrímsson mjög vel og hef margoft talað við Pál eins og marga aðra starfsmenn í þessu fyrirtæki, eins og aðra kjósendur í Norðausturkjördæmi eða annars staðar á landinu. Ég hef talað við trillukarl hér og bónda þar og svo framvegis.“

MANNLÍF heldur áfram að rýna í feril Páls Steingrímssonar skipstjóra og skæruliða á næstu dögum en frétt RÚV má finna HÉR

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -