Kristjón Kormákur Guðjónsson hefur verið ráðinn til Mannlífs og Man.is. Kristjón á langan og farsælan feril í blaðamennsku og hefur meðal annars verið aðalritstjóri DV, ritstjóri fréttavefs Fréttablaðsins og Hringbrautar. Hann kemur inn í öfluga ritstjórn Man.is og verður í lykilhlutverki í frekari sókn vefsins. Þá mun hann meðal annars leiða frekari uppbyggingu samfélagsmiðla útgáfufélagsins.
Halldór Kristmannsson eigandi og útgefandi Man.is fagnar ráðningunni og segir hana styrkja öfluga fréttastofu fjölmiðilsins
„Kristjón kemur með umfangsmikla reynslu í blaðamennsku og verður í lykilhlutverki í að festa Man.is enn frekar í sessi sem einn af mest lesnu frétta- og lífstílsvefjum landsins.“
Man.is er beittur og lifandi fréttavefur sem hefur átt í farsælu samstarfi við Hús og hýbíli, Gestgjafann, Vikuna og Séð og heyrt. Vefurinn hefur verið í mikillri sókn og fest sig í sessi sem einn mest lesni frétta- og lífstílsmiðill landsins.
Reynir Traustason er ritstjóri Man.is / Mannlífs og leiðir metnaðarfulla ritstjórn. Trausti Hafsteinsson er fréttastjóri og Hjálmar Friðriksson blaðamaður Man.is, auk fjölmargra annarra blaðamanna sem skrifa daglega um lífstíl, heimili, hönnun, mat og vín.