Föstudagur 29. mars, 2024
2.8 C
Reykjavik

Kúnnar geta ekki hringt í Rebook Fitness: „Erum að selja aðgang að heilsurækt ekki símsvörun“

VefTv

- Auglýsing -

Hlaðvörp

- Auglýsing -

Viðskiptavinir líkamsræktastöðva Rebook Fitness og þeir sem hafa áhuga á að gerast kúnnar þar geta ekki hringt á stöðvarnar til að fá upplýsingar. Það er einfaldlega ekkert símanúmer hjá þeim. Eftir ábendingar ákvað Mannlíf að athuga málið. Haft var samband við Rebok Fitness með tölvupósti, því það er eina leiðin sem boðið er upp á. Þar fékkst eftirfarandi svar:

„Við höfum bara aldrei fengið okkur síma, til að tryggja að þú fáir sem réttasta svarið viljum við svara aðeins hægar svo að sá sem veit svarið svari þér. Varan sem við erum að selja er ekki símsvörun heldur aðgangur að heilsurækt.  Langflestar fyrirspurnir snúa að áskriftar og greiðslu málum sem innihalda viðkvæmar upplýsingar sem við viljum bara að séu meðhöndlaðar miðlægt.  Það hefur sína kosti og sannarlega sína galla.  Ég get alveg tekið undir það að stundum reynist erfitt að ná til okkar, en það er þá yfirleitt á álagstímum þegar margir eru að hafa samaband í einu og það tekur okkur lengri tíma að svara. Þá væri á sama tíma línan upptekin, ef við hefðum síma og við þá bara að ræða það hversu illa gengi að ná til okkar í símann. Við gerum okkur grein fyrir mikilvægi góðra samskipta og erum markvisst að leita leiða til að bæta öll samskipti til og frá okkur.“

Það hafa alls ekki allir aðgang að tölvu eða snjallsíma, hafa einungis síma sem er í flestum tilfellum nóg. Hvað með þá sem einfaldlega eru ekki tæknivæddir og finnst óþægilegt annað en að fá upplýsingar í síma. Með því að bjóða ekki upp á sjálfsagða þjónustu fyrir neytendur er verið að útiloka hópa af fólki og það getur hreinlega ekki talist jákvætt. Annað sem vert er að hafa í huga er það að hafa síma á staðnum er öryggisatriði. Það hefur komið fyrir að einstaklingur sem er að æfa og er ekki með símann sinn á sér, hefur verið kallaður upp af afgreiðslu líkamsræktarstöðvar. Þá hefur verið um einhvers konar neyðartilfelli eða mjög brýnt erindi að ræða. Neytendur eiga betra skilið.

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -