2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

„Láta blauta drauma fákeppnismógúla rætast“

Mannlíf tók saman nokkur áhugaverð ummæli sem voru látin falla í vikunni.

 

„Í landinu sem nú er komið á gráan lista vegna aðgerðarleysis gegn peningaþvætti og viðlíka glæpastarfsemi spillingarafla. Þar vilja menn enga nýja stjórnarskrá og allra síst að almenningur geti haft eitthvað um stjórnarhætti og stjórnskipan landsins að segja.“

Ólína Kjerúlf Þorvarðardóttir, fyrrverandi þingmaður Samfylkingarinnar, um stjórnarskrármálið.

„Þjóðin hefur nú verið svikin af stjórnvöldum um þessa nýju stjórnarskrá í sjö ár.“

AUGLÝSING


Jóhanna Sigurðardóttir, fyrrverandi forsætisráðherra.

„Þessar háu fjárhæðir fær kirkjan í krafti einhverra óhagstæðustu samninga Íslandssögunnar.“

Siggeir F. Ævarsson, framkvæmdastjóri Siðmenntar, gerir athugasemd við endurnýjun kirkjujarðasamninganna frá 1997.

„Falsfréttir eru og verða vandamál á tækni- og upplýsingaöld.“

Sigurður Ingi Jóhannsson, samgöngu- og sveitarstjórnarráðherra og formaður Framsóknarflokksins, segir sárt að vera bendlaður við Sigmund Davíð Gunnlaugsson, formann Miðflokksins í The Laundromat, nýrri mynd um Panama-skjölin á Netflix.

„Láta blauta drauma fákeppnismógúla rætast“

Gylfi Magnússon, formaður bankaráðs Seðlabanka Íslands, um nýtt frumvarp Þórdísar Kolbrúnar Reykfjörð Gylfadóttur, ferðamála-, iðnaðar- og nýsköpunarráðherra Íslands, sem á að einfalda samkeppnislögin.

„Það er hryggilegt og ekki sæmandi formanni bankaráðs Seðlabanka Íslands að lýsa afstöðu sinni með þessum hætti.“

Halldór Benjamín Þorbergsson, framkvæmdastjóri Samtaka atvinnulífsins, um viðbrögð Gylfa Magnússonar.

„Loksins, loksins – viðurkennir stjórnkerfið mistök!“

Styrmir Gunnarsson, fyrrverandi ritstjóri Morgunblaðsins, segir fagnaðarefni að Katrín Jakobsdóttir, forsætisráðherra skuli viðurkenna að íslenska stjórnkerfinu hafi orðið á mistök og sé þar af leiðandi Ísland komið á gráan lista vegna peningaþvættismála.

„Þegar landbúnaður er annars vegar þorir hvorki VG né getur, þar ríkir enn kjötgræn moðsuða ættuð úr Alþýðubandalaginu.“

Birgir Hermannsson stjórnmálafræðingur.

„Íslendingar eru einfaldlega mestu umhverfissóðar í heiminum.“

Logi Einarsson, formaður Samfylkingarinnar.

„Loftslagsskógar eru því algjör tímaskekkja“

Vigdís Hauksdóttir, borgarfulltrúi Miðflokksins í Reykjavík, er þeirrar skoðunar að skógrækt í Reykjavík í þágu loftslagsins byggi á tilfinningarökum.

„Ókey … ég sé enga breytingu nema búið er að planta tveim trjám sem ISAVIA mun örugglega láta fella, fjarlægja auglýsingastandana og skipta farþegunum út fyrir fallegra fólk sem ferðast bara með handfarangur.“

Stefán Pálsson, sagfræðingur um áform Air Iceland að færa flugstöð Reykjavíkurflugvallar í nútímalegra horf.

 

Ekki missa af þessum

Annað áhugavert efni

Nýjast á Mannlíf.is