Lögreglu barst tilkynning í gærkvöldi um fjóra menn að slást fyrir utan veitingastað. Átti atvikið sér stað í austurborginni en þegar lögreglu bar að garði var ekkert um að vera. Þar voru tveir ölvaðir menn sem sögðust ekki hafa orðið varir við neitt og því lítið fyrir lögreglu að gera.
Síðar um kvöldið barst lögreglu tilkynning um innbrot í bæði geymslu og sameign fjölbýlishúss. Ekki kemur fram í dagbók lögreglu hvort þjófurinn hafi náð að hafa hluti á brott með sér en er málið í rannsókn. Þá þurfti hjálp lögreglu við að visa manni úr strætó en sá „hafði verið með almenn leiðindi.’’ Brotist var inn á heimili í Kópavogi í gærkvöldi. Málið er til rannsóknar. Einn maður var handtekinn vegna gruns um akstur undir áhrifum vímuefna og tveir gistu bak við lás og slá vegna heimilisofbeldis.