Föstudagur 23. september, 2022
7.1 C
Reykjavik

Leifur áður verið rekinn – Sagður hafa varið sjálfan sig með fölsuðum aðgangi á Facebook

Helgarviðtalið

- Auglýsing -

Orðrómur

- Auglýsing -

Leifur S. Garðarsson, skólastjóri Áslandsskóla í Hafnarfirði, hefur þrívegis verið rekinn úr starfi sínu fyrir íþróttahreyfingar hérlendis. Tvisvar var hann rekinn sem knattspyrnuþjálfari, annars vegar hjá Fylki og hins vegar Víkingi Reykjavík, og nú síðast sem körfuboltadómari á vegum KKÍ, líkt og Mannlíf greindi fyrst frá.

Leifur hefur verið settur af sem körfuboltadómari hjá Körfuknattleikssambandi Íslands, KKÍ. Ástæðan eru ósæmileg samskipti hans við kvenkyns leikmann sem áttu sér stað á samskiptamiðlum snemma árs í fyrra. Samskipti Leifs við leikmanninn voru á þann veg að stíga í vænginn við viðkomandi sem síðan kvartaði undan því við KKÍ. Samkvæmt óyggjandi heimildum Mannlífs hefur hann verið settur af sem dómari hjá sambandinu og þar hefur hann ekki dæmt leik frá því málið kom upp.

Hannes S. Jónsson, formaður Körfuknattleikssambands Íslands, KKÍ, hvetur alla þá innan hreyfingarinnar sem telja sig hafa orðið fyrir kynferðislegri áreitni af einhverjum toga til að leita til sambandsins eða lögreglu. „Við líðum enga svona hegðun,“ segir Hannes.

Hannes S. Jónsson, formaður KKÍ.

Árið 2008 var Leifur rekinn sem knattspyrnuþjálfari hjá Fylkismönnum eftir lélegan árangur í efstu deild það árið þar sem liðið endaði rétt ofan við fallsæti. Fimm árum síðar var hann svo rekinn sem þjálfari Víkinga eftir mikinn trúnaðarbrest milli hans og leikmanna liðsins þegar excel-skal Leifs lak á netið. Í því var stöðumat hans á öllum leikmönnum liðsins en skjalið hafði verið sent leikmönnunum fyrir slysni.

Þegar lekamálið hjá Víkingum var í hámæli var Leifur þjálfari síðan sakaður um að fara huldu höfði í netheimum í þeirri von að verja sjálfan sig. Þannig er hann sagður hafa stofnað falsaðan aðgang, undir nafninu Albert Örn Jónsson, og tjáð sig undir því nafni á spjallsvæði Víkinga. Vefsíðan Fótbolti.net kannaði á sínum tíma hvort Albert Örn þessi væri til:

„Hver er hann, maðurinn sem kemur alltaf til varnar Leifi Garðarssyni þjálfara Víkings á spjallborði félagsins? Á Facebook heitir hann Albert Örn og er sagður fæddur 4. ágúst 1969. Myndin af honum vekur athygli enda bara stæltur karlmanns magi. Albert Örn Jónsson heitir maðurinn samkvæmt því sem hann staðfestir sjálfur. Nafnið Albert Örn Jónsson er ekki til í þjóðskrá og þegar litið er yfir alla einstaklinga fædda 4. ágúst 1969 er engan Albert að finna. Á Facebook á Albert Örn 16 vini og hægt er að sjá þrjá þræði þar sem hann hefur sent inn ummæli. Í öllum tjáir hann sig um Leif.“

- Auglýsing -

Veistu meira um málið? Fullum trúnaði er heitið. Mannlíf tekur við ábendingum, myndböndum og myndum á [email protected].

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -