Miðvikudagur 29. júní, 2022
13.8 C
Reykjavik

Leifur áreitti fyrrverandi nemanda sinn: „Hann var aftur og aftur að hafa samband seint á kvöldin“

Helgarviðtalið

- Auglýsing -

Orðrómur

- Auglýsing -

Fyrrum nemandi Leifs Garðarssonar fékk óviðeigandi skilaboð frá Leifi eftir að þau urðu vinir á Facebook. Konan bað hann ítrekað að hætta en hann hélt áfram. Þá kvörtuðu nokkrir kennarar undan honum í Áslandsskóla.

Sjá einnig: Leifur Garðars ráðinn sem deildarstjóri unglingadeildar Stapaskóla: „Fólk var varla að trúa þessu“

Mannlíf sagði frá því í gær að Leifur Garðarsson hafi verið ráðinn sem deildarstjóri unglingadeildar Stapaskóla og síðan þá hafa fleiri ábendingar borist Mannlífi. Ein þeirra kemur frá fyrrum nemanda Leifs en í dag er hún fullorðin kona. Henni þótti mjög vænt um Leif þegar hann kenndi henni í grunnskóla, þegar hún var 8-12 ára. „Leifur var frábær kennari, hann hélt vel utan um bekkinn og við öll sem vorum hjá honum þótti mjög vænt um hann en þetta var þegar hann var ný byrjaður að kenna, hann var aldrei óviðeigandi þegar ég var nemandi hans,“ sagði hún í samtali við Mannlíf. En svo fyrir fimm árum síðan bætti hún honum við sem vin á Facebook og þá breyttist álit hennar á honum. „Auðvitað er ég fullorðin í dag en fannst þetta mjög óviðeigandi en þá sérstaklega það að hann var aftur og aftur að hafa samband seint á kvöldin um helgar að spyrja hvort ég væri komin upp í rúm,“ sagði konan og bætti við að tilgangurinn hafi verið að sofa hjá henni. Konan vildi taka það fram að henni þætti það hrikalega sorglegt og auðvitað rangt, hvernig hann hafi hagað sér síðustu ár.

Þá hefur Mannlíf einnig frá áreiðanlegum heimildum að nokkrir kvenkyns kennarar hafi kvartað undan óviðeigandi hegðun Leifs er þær kenndu í Áslandsskóla þar sem hann var skólastjóri. Samkvæmt heimildunum brást skólaskrifstofan ekki við kvörtununum á sínum tíma en eftir að óviðeigandi hegðun Leifs við unga körfuknattleikskonu komst í hámæli í fréttum, var hann sendur í leyfi. Síðar sagði hann upp skólastjórastöðunni.

Sjá einnig: Leifur Garðarsson hættir sem skólastjóri eftir óviðeigandi samskipti við konu

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -