- Auglýsing -
Leikskólanum Álfheimum á Selfossi hefur verið lokað eftir að starfsmaður þar greindist með Covid-19. Leikskólinn verður lokaður í dag hið minnsta og verða allir starfsmenn sendir í sýnatöku.
Greint er frá smitinu á Facebook-síðu Árborgar. Upplýsingar til foreldra barna sem þurfi að fara í sóttkví verði sendar út eins fljótt og hægt er samkvæmt tilkynningu leikskólans.
Nú þegar glíma sóttvarnayfirvöld við hópsmit tengt leikskólanum Jörfa í Bústaðahverfinu þar sem reynt er að hefta útbreiðslu veirunnar. Smitið kom upp eftir að smitdólgur virti ekki sóttkví eftir komuna til landsins og fékk veiran að malla í dálítinn tíma.