Vinstri-grænir glíma við ýmsar innantökur vegna stefnubreytingar í ýmsum málum sem raktar eru til samstarfsins við Sjálfstæðisflokkinn. Meðal þeirra sem eru fúlir vegna framgöngu flokksins er Lilja Rafney Magnúsdóttir, varaþingmaður og fyrrverandi þingmaður flokksins í Norðvesturkjördæmi. Lilja, sem býr á Suðureyri, hefur nokkrum sinnum risið gegn Katrínu Jakobsdóttur forsætisráðherra og forystu flokksins vegna afsláttar af stefnumálum sem hefpu átt að vera heilög. Nú síðast gagnrýndi Lilja frumvarp sem leyfir öflugum togurum að veiða nær landi en áður. Hún frumvarpið vera í boði Vinstri grænna og krefst þess að það verði afturkallað.
Lilja hefur leynt og ljóst verið í andstöðu við flokk sinn og er greinilega í pólitískri fýlu. Hún hefur reyndar líka verið óhress þegar henni hefur þótt flokkurinn ganga of langt í verndun náttúrunnar. Þannig var hún andvíg þeirri stefnu flokksins að hafna því að Hvalárvirkjun fengi að rísa. Einhverjir spá því að það sé einungis tímaspursmál hvenær vestfirska valkyrjan yfirgefi flokkinn …