Ótal Íslendingar sjá sér engin önnur úrræði nú rétt fyrir jól en að biðla til almennings á samfélagsmiðlum í von um kraftaverk. Jólin virðast sjaldan hafa verið erfiðari fyrir landsmenn í seinni tíð. Einn þeirra er Magnús Freyr Jónasson en hann og kona hans sjá ekki fram á að geta haldið upp á fyrstu jól dóttur þeirra.
Magnús segir í samtali við Mannlíf að litla fjölskyldan sé brotin og kvíðin. Þau eru búsett í Svíþjóð og hafa reynt að sækja aðstoð í kirkjur og hjálparfélög, sem hafa þó lítið getað hjálpað. COVID leikur Svía enn fremur verr en margar þjóðir.
„Það er mjög erfitt fyrir mig að biðja um hjálp en þetta er bara síðasta í stöðunni þegar ég er búinn að athuga á nánast ollu öðru. Vona að eitthvað kraftaverk gerist fyrir okkur,“ segir Magnús.
Dóttir þeirra sem fæddist fyrr á þessu ári mun fara í jólaköttinn annars. „Við viljum bara að hún sé glöð því hún er alltaf númer eitt hjá okkur. Ég er vona það besta því hún er svo góð og fljót að læra. Hún á skilið betri fyrstu jól,“ segir Magnús.
Ef þú vilt styrkja Magnús og litlu fjölskylduna hans fyrir jólin þá koma hér reikningsupplýsingar:
0142-05-073522
Kt: 2304982889