Þriðjudagur 19. mars, 2024
-0.2 C
Reykjavik

Lögfræðingur ráðleggur strandaglópum á vegum Farvel að leita réttar síns

VefTv

- Auglýsing -

Hlaðvörp

- Auglýsing -

Lögmaður segir ferðamenn sem eru strandaglópar erlendis eftir skyndi­lega lokun lúxusferðaþjónustunnar Farvel ehf. eiga kröfurétt um að fá útlagðan kostnað vegna heimferðar og gistingar endurgreiddan. Langan tíma geti þó tekið að fá kröfuna endurgreidda.

 

„Farþegar sem lenda í aðstæðum líkt og þeim sem farþegar Farvel ehf. eiga í núna, eiga alltaf rétt á að gera kröfu til Ferðamálastofu,“ segir Ómar R. Valdimarsson héraðsdómslögmaður.

Ómar R. Valdimarsson héraðsdómslögmaður

„Ferðaskrifstofum ber að skila af sér ferðamálatryggingu og því er hægt að gera kröfu til Ferðamálastofu.“

Líkt og fram kom í frétt Mannlíf fyrr í dag var ferðaskrifstofuleyfi Farvel ehf. fellt niður. Samkvæmt upplýsingum Ferðamálastofu er ástæðan sú að þrátt fyrir margar ítrekanir hefur Farvel ehf. ekki skilað hækkaðri tryggingu til Ferðamálastofu eins og þeim bar skylda til lögum samkvæmt. Að endingu var Ferðamálastofu nauðugur kostur að grípa til þess úrræðis að fella ferðaskrifstofuleyfi Farvel ehf. niður.

Um 100—200 manns verða fyrir óþægindum og kostnaði vegna málsins samkvæmt tilkynningu á vef Ferðamálastofu.

Ómar bendir einnig á að farþegar kanni rétt sinn hjá kreditkortafyrirtækjum og samkvæmt heimilistryggingu. „Flestir greiða fyrir utanlandsferðir með kreditkortum og samkvæmt kortaskilmálum er tekið fram að einstaklingur eigi rétt á að fá þjónustu bakfærða ef þjónustan er ekki afhent.“

- Auglýsing -

Ómar segir að í mörgum tilvikum sé þó gerð krafa um að fullreyna fyrst á kröfuna hjá Ferðamálastofu, sá ferill geti hinsvegar tekið þó nokkurn tíma. „Ég myndi því alltaf senda strax kröfu til beggja aðila, til Ferðamálastofu og síðan til kortafyrirtækisins og taka fram í þeirri kröfu að einnig sé búið að senda kröfu til Ferðamálastofu,“ segir Ómar.

Líkt og fram kemur í tilkynningu Ferðamálastofu þá mun tryggingafé Farvel ekki duga til að endurgreiða áætlaðar kröfur viðskiptavina Farvel, sem hafa greitt fyrir eða inn á pakkaferðir á þeirra vegum, þar sem Farvel skilaði ekki inn hækkaðri tryggingu.

Hér er ákvæði skilmála kreditkorta sem útgefin eru af Íslandsbanka, en sambærilegir skilmálar eru yfir önnur kreditkort:

- Auglýsing -

11.3 Í þeim tilvikum er seljandi hefur ekki innt af hendi eða vill ekki inna af hendi þá vöru eða þjónustu er korthafi greiddi fyrir með kortinu, atburði hefur verið aflýst eða söluaðili hefur hætt rekstri, getur korthafi skilað skriflegri kvörtun til útgefanda allt að 30 dögum eftir að afhending átti sannanlega að eiga sér stað. Telji útgefandi að afhending hafi sannanlega ekki átt sér stað vegna ofangreindra ástæðna, endurgreiðir útgefandi korthafa andvirði hins selda. Útgefandi endurgreiðir þó aldrei úttektir hafi ytri aðstæður, sem falla undir venjulegar reglur kauparéttar um óviðráðanleg atvik (force major) og eru seljanda óviðkomandi, hamlað afhendingu.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -