Nú eru liðnir heilir fjórtán mánuðir síðan lögreglan í Manchester hóf rannsókn sína á Gylfa Þór Sigurðssyni, eins besta fótboltamanns Íslands fyrr og síðar og fyrrum landsliðsmanns í knattspyrnu.
Fyrir fjórtán mánuðum var Gylfi handtekinn og settur í farbann.
Mikið hefur verið fjallað um málið hér á landi, en einnig víða um heim.
Lögreglan í Manchester hefur aftur og aftur fengið framlengingu á farbanni Gylfa, en þrátt fyrir þennan langa tíma er ekki í raun vitað mikið um málið.
Mannlíf sendi fyrirspurn til lögreglunnar í Manchester og fékk það svar að lögreglan þar myndi einungis tjá sig eða senda frá sér eitthvað opinberlega um málið ef Gylfi yrði ákærður eða ef rannsókn málsins yrði hætt – málið fellt niður.
Margir glöddust þegar Gylfi sást opinberlega í fyrsta skipti í sumar frá því að hann var handtekinn þegar hann fylgdist með leikjum íslenska kvennalandsliðsins á EM á Englandi í sumar.
Þessir fjórtán mánuðir sem hafa liðið frá handtöku Gylfa hafa án vafa reynt mikið á hann og fjölskyldu hans, vini og aðra nána aðstandendur.
Mannlíf mun halda áfram að fylgjast með máli Gylfa.