Lögregla í austurborginni fékk tilkynningu um að torkennilegan, hvítan reyk, legði upp frá húsnæði á svæpðinu. Þegar var brugðist við. Lögregla og sjúkralið fór á staðinn og kortlagði atvikið. Við skoðun kom í ljós að loftræstiblásari olli reyknum.
Erill var hjá lögreglu í nótt. Sjö manns voru læstir inni í fangageymslum og þurfa að horfast í augu við veikleika sína og óráð þegar nýr dagur rennur og þeir komast til meðvitundar. Almennt var mikill erill þessa fyrstu helgi í auknu frelsi frá hömlum Covid. Ölvun var mikil og útbreidd með tilheyrandi hávaða og tengdum nágrannaerjum.
Tveir ökumenn voru teknir fyrir ölvun við akstur. Annar ökumannanna reyndist vera bílþjófur. Þá varð umferðaróhapp þar sem ökumaður stakk af og flúði arm laganna. Annar einstaklingur flúði einnig af vettvangi í stað þess að standa skil á sínu. Þar var um að ræða farþega í leigubifreið sem hvarf úit í myrkrið á harðahlaupum án þess að greiða fyrir farið.