Lögreglan lýsir eftir Guðjóni Sævari – Ekkert er vitað um ferðir hans undanfarna daga

Lögreglan á höfuðborgarsvæðinu lýsir eftir Guðjóni Sævari Guðbergssyni, 59 ára.

Guðjón er búsettur á Hringbraut í Reykjavík, en ekkert er vitað um ferðir hans undanfarna daga.

Þau sem geta gefið upplýsingar um ferðir Guðjóns, eða vita hvar hann er að finna, eru vinsamlegast beðin um að hafa tafarlaust samband við lögregluna í síma 112.

Guðjón, sem er grannvaxinn, með mikið skegg og axlarsítt hár, er líklega klæddur í brúnan leðurjakka með hvítum loðkraga, lopapeysu, svartar buxur og ljósbrúna Dewalt vinnuskó.