- Auglýsing -
Stjórnmálamenn hafa fengið viðvörun frá lögreglunni og þeim tilmælum komið á framfæri að þau fari varlega á næstunni. Stundin greinir frá þessu.
Skotið hefur verið af byssu á húsnæði flestra flokka á þingi undanfarið og því skýr hætta til staðar.
Í nótt var skotið á glugga á skrifstofum Samfylkingarinnar en nýlega hefur það sama gerst í húsnæði Sjálfstæðisflokksins og Viðreisnar. Píratar hafa lent í þessu ítrekað en þó er lengra síðan það gerðist.
Stundin hefur eftir Jóhanni Karli Þórissyni aðstoðaryfirlögregluþjóni að engar vísbendingar séu í eldri tilvikum. Þó sé ljóst að lítið vopn hafi verið notað, líklega loftrifill.