Í kjölfar ásakana Frosta Logasonar á hendur Eddu Falak, um að hafa logið til um starfsreynslu sína, þá hefur hópur fólks nú stigið fram fram undir myllumerkinu afsakið. Þar eru viðurkenndar missagnir og lygar sem fólk hefur gefið út og með þessu er Eddu Falak veittur stuðningur.
Fylgjast má með uppljóstrunum og afsökunarbeiðnunum á samfélagsmiðlinum Twitter. Fjölmargir hafa stigið fram og þar á meðal viðurkennir Margrét Erla Maack að hafa stolið teskeið úr mötuneyti Ríkisútvarpsins.
Þegar ég hætti á RÚV tók ég með mér eina skeið merkta stofnuninni því ég á þaðan hlýjar minningar. Ég nota hana mest til að dreifa úr pizzusósu. #afsakið
— Margrét Erla Maack (@mokkilitli) March 24, 2023
Drífa Snædal laug á ferilskránni sinni:
Eins gott að biðjast afsökunar áður en ég verð afhjúpuð af feðraveldinu. Hef aldrei greint frá því á ferilskránni að ég vann í hálfan dag á kristilegu barnaheimili í Svíþjóð #afsakið
— Drífa Snædal (@DrifaSnaedal) March 24, 2023
Tanja Ísfjörð laug á vegabréfinu sínu:
Sæl öll. Áður en jakkafatarannsóknaryoutuberinn uppljóstrar um þetta þá ætla ég að segja #afsakið – ég laug á vegabréfinu mínu. Ég er 159 ekki 160.
— Tanja Ísfjörð (@tanjaisfjord) March 24, 2023
Sóley Tómasdóttir sveik systur sína:
Ó guð. Ég var að fatta að ég borgaði aldrei systur minni fyrir afmælisgjöfina til mömmu. Vona að þessi fjárglæfrastarfsemi komist ekki upp á internetinu. #afsakið
— Sóley Tómasdóttir (@soleytomasar) March 24, 2023
Lenya Rún notaði fölsuð skilríki:
ég notaði fölsuð skilríki til að komast inn á skemmtistaði áður en ég varð 20 ára og hef þ.a.l., ásamt öllum öðrum sem hafa notað fölsuð skilríki, gerst brotleg við 3. mgr. 155. gr. almennra hegningarlaga #afsakið
— Lenya Rún (@Lenyarun) March 24, 2023