„Mesta sturlun sem ég á ævi minni heyrt og minnir á engan annan en Hitler sjálfan – Kári vill leita uppi af miklum krafti að óbólusettum og sannfæra um að láta sprauta sig með eitrinu sem virkar þar að auki takmarkað,“ segir Margrét og bætir við við spurningu:
„Ef það neitar vill hann láta koma þessu fólki einhversstaðar fyrir innan girðingar eða í geymslu; nýjar nasistabúðir? Af hverju er enginn fjölmiðill að fjalla um þetta og spyrja Kára út í hvert hann vilji að farið sé með fólkið?“
Stór orð og líklega gerir Margrét sér ekki grein fyrir því á hversu stórum skala illvirki Hitlers og Mengele voru. En fylgjendur hennar virðast þó sáttir við þessar líkingar ef marka má athugasemdir þeirra við færslu Margrétar:
Anna spyr hvort enginn af ættingjum Kára sé „farinn að hafa áhyggjur af geðheilsu mannsins?“
Þórdís minnist á geldingar, einhverra hluta vegna:
„Hann á eftir að gelda 12-15 ára í haust, því þarf að hræða fólkið meira.“
Og Ágúst er alveg með það á tæru hver vandinn og hættan varðandi Covid 19 og bólusetningar, og hver sé hættulegasti maðurinn í tengslum við hinn skæða alheimsfaraldur: Segir að „eina hættan sem við „óbólusettir“ eða „bólusettir“ stöndum frammi fyrir er hann sjálfur.“
Margrét segir að „það mætti kannski bæta við að Kári vilji flytja óbólusetta á einhvern stað sennilega innan girðingar þar sem það kemst ekki út fyrr en það samþykkir tilrauna bólueitrið; þetta er grafalvarlegt að Kári sé að hugsa svona og segir mér að hann sé stórhættulegur. Nasismi nútímans.“
Margret Annie er með Klepp í huga sem mögulegt nýtt „heimili“ fyrir Kára til frambúðar:
Það á að loka hann inná Kleppi, þennan mann … hann er er bara eins og Hitler … stórhættulegur.“
Og svo er það hann Bjarni P. Magnússon sem kemur fram sem píanistinn sem sló sinn lokahljóm, enda glösin, orðin miklu meira en tóm: „Mengele í öðru veldi.“
Margréti og fylgjendum hennar þykir allt í lagi að bera saman störf Kára Stefánssonar við illvirki tveggja af verstu mönnum mannkynssögunnar. Viðtalið við Kára sem kallaði fram þessi viðbrögð Margrétar má finna hér.